Futbollistët janë personazhet më të dashura në shumë vende të botës, atë që ata mund të bëjnë përmes një ndeshje që luhet në 90-minuta nuk mund ta bëjnë as forca politike dhe as forca të tjera. Mirëpo jo pak herë gjestet e tyre vendosen në qendër të vëmendjes.
Kjo ka ndodhur së fundi dhe me lojtarin e Kombëtares së Kosovës, Milot Rashica, para ndeshjes Islandë- Kosovë.
Kur po këndonte himnin, Rashica e ka vendosur dorën, jo në krahun e majtë të kraharorit, ku e vendosin të gjithë, por në të djathtin.
Nuk dihet arsyeja e këtij veprimi nga Rashica, por i habitur ka mbetur edhe Valon Berisha, i cili e ka parë i habitur veprimin e talentin të Vitesses.
Ndoshta Rashica e ka zemrën në anën e djathtë…ku i dihet?! Ajo që është e sigurt është fakti që kjo foto është bërë virale në rrjet.
(E.K/SHUPLAKA)
