Trajneri i Kombëtares Shqiptare, Kristian Panuçi është i bindur se mesfushori i ekipit tonë përfaqësues, Taulant Xhaka do të jetë korrekt.
Panuçi thotë se për Xhakën nuk i kanë folur mirë por ai mendon se Xhaka është një profesionist dhe se i vjen keq që nuk e aktivizoi kundër Italisë.
Në intervistën e sotme për mediat Panuçi tha se para se të vendosë për lojtarët do që t’i njohë ata.
“Edhe këtu nuk më thanë fjalë të mira për Xhakën, por është profesionist serioz. Me Xhakën jemi mbyllur në të njëjtën dhomë. Jemi parë sy më sy dhe u binda që ai nuk më tradhton, nëse e bën mbetet jashtë. Të gjithë më thoshin “Jo, ka një kokë”. Më erdhi keq që nuk e futa kundër Italisë, por para se të vendos për lojtarët do të më duhet t’i njoh”, tha Panuçi. (B.H/Shuplaka)
