Për ndërtimin që po bëhet në shtratin e Vjosës ‘’Shuplaka” mëson se janë pezulluar nga detyra shefi i komisariatit të Përmetit dhe komandanti i i postës së Këlcyrës Gazi Shehu dhe Edmond Hanxhara. Po ashtu mësojmë se Josif Shalari është komanduar përkohësisht në krye të komisariatit në Përmet.
Kjo pasi ata nuk kanë ndjekur procedurat e nevojshme në lidhje me ndalimin e punimeve që u kryen.
Policia kishte detyrë që të gjente personat që po kryenin punimet ndërsa nuk mundi të identifikonte asnjë nga personat.
Duke folur për ”Shuplakën” kreu i Bashkisë së Këlcyrës tha se nuk ka asnjë interes që fshihet pas kësaj.
”Nuk ka asgjë në këtë mes, është çështje e pastër, se ai si person ka tentuar të fillojë një ndërtim aty faktikisht.
Opinioni publik duhet të sqarohet që ai është kundër ligjit, pavarësisht se jam i PS-së. Një njeri që është në kundërshtim me ligjin si mund të pretendojë?! Në Këlcyrë është rasti i parë që ka një ndërtim të tillë.”, shpjegohet Ndoni.
(E.K/SHUPLAKA)
Discussion about this post