Profesori i Arkeologjisë Neritan Ceka, i ftuar në emisionin “Repolitix” në Report Tv, ka sulmuar ashpër ministren e Kulturës, Mirela Kumbaron duke thënë se me këtë që ka bërë me Butrintin e ka vendin në Prokurori.
Ceka tha se nuk ia vlen të merremi me deklaratat e Kumbaros sepse deklaratat e saj janë thjeshtë për të fshehur atë që po ndodh në të vërtetë që sipas Cekës është shitja e Butrintit.
Ai gjithashtu shtoi se kjo bëhet për shkak të përfitimeve ekonomike që vijnë nga Butrinti duke thënë se 1 milionë euro në vit vijnë vetëm nga biletat në Butrint.
“Deklaratat e ministres bëhen për të fshehur ngjarjen, nuk duhet të merremi me të, ministrja Kumbaro është kjo e dokumentave, jemi burra serioz te merremi me të. Ajo e ka shitur Butrintin. E gjitha kjo bëhet për shkak se në Butrint ka 1 milonë euro të ardhura vetëm nga biletat”, tha ai, duke shtuar: “Mirela Kumbaro e ka vendin në Prokurori me këtë që ka bërë, po shet Butrintin”
Ceka shtoi gjithashtu se kjo që po ndodh në Butrint është shumë e rëndë. (B.H/Shuplaka)
Discussion about this post