Ata janë një nga çiftet më të dashur të showbizit shqiptar, ndërsa së bashku po afrojnë 10 vite. Mirëpo shumëkujt natyrshëm i lind pyetja: pse Albani dhe Miriami nuk kanë zgjedhur akoma që të martohen.
Një përgjigje për këtë e ka dhënë sot Miriami e ftuar në ‘’Wake Up”. Ajo shprehet se martesa për të duhet të vijë e natyrshme, dhe ende s’e kanë ndier ta bëjnë diçka të tillë. Përveç kësaj, pas 10 viteve bashkë dhe një fëmije, nuk do të ndryshonte asgjë. Megjithatë, Miriam Cani shprehet se herët apo vonë, dasma do të vijë.
“Në fakt, e kemi diskutuar shumë herë gjatë këtyre viteve. Por në radhë të parë, duhet të gjejmë kohën, sepse kemi patur shumë angazhime gjatë këtyre dy viteve. Ne jemi edhe tipa të tërhequr, nuk jemi shumë për të krijuar gjithë këtë zhurmë.
Një gjë është e sigurt: një ditë do të bëhet. Por nuk na ka ardhur akoma ajo ndjesia, pra që të vijë natyrshëm. Në jetën tonë private, nuk na ndikon fare”, shprehet këngëtarja e dashur për publikun.
Miriami do të rikthehet në ekran pas dy viteve mungesë ku i është përkushtuar më së shumti rritjes së Amelisë, ndërsa thotë se pavarësisht angazhimeve të shumta edhe Albani është një baba mjaft i përkushtuar.
“Shumicën e kohës jam shumë prezente me vajzën. Por Albani është baba shumë i dedikuar. Ai është shumë për t’u vlerësuar, sepse është shumë aktiv, shumë i angazhuar me projekte e megjithatë, është aq i përkushtuar dhe i jep Amelisë shumë dashuri”, u shpreh më tej këngëtarja.
Na mbetet të presim dhe të shohim dasmën e tyre, më siguri që do të jetë si në përralla.
(E.K/SHUPLAKA)
Discussion about this post