Pas mbarimit të mbledhjes së Byrosë, në një deklaratë për mediat, nënkryetari i Kuvendit, Edi Paloka, u shpreh se përjashtimi i deputetit Flamur Noka është një akt skanadaloz i skenuar nga kryeministri. Po ashtu.
“Largimi i z. Noka është një akt skandaloz nga kryeministri. E ka pranuar edhe para jush që flet si rrugaç nga karrigia. Por Byroja nuk e dinte. Nuk e dënoi, por dënoi deputetin e PD-së. Gramoz Ruçi nuk po bën gjë tjetër por zbaton urdhrat e Edi Ramës. Ky është rasti i tretë. Në mënyrë cinike na u tha keni të drejtë të bëni një peticion mosbesimi ndaj kryetarit”, thaPaloka.
Po ashtu Paloka theksoi se askush nuk ia mbyll gojën opozitës dhe se për këtë PD do të marrë masa.
“Në një parlament ku votohet për shkeljen e ligjit ne do të marrim masat tona. T’a harrojnë se do i mbyllin gojën opozitës ne do të marrim masat tona. Nëse vazhdohet kështu masat do të jenë të rënda”, tha ai.
(S.SH/Shupaka)
Discussion about this post