Kryeministri i Kosovës, Ramush Haradinaj ditë më parë u shpreh se dialogu mes Kosovës dhe Serbisë, nuk do të zhvillohet pa përfshirjen e Shteteve të Bashkuara të Amerikës.
“S’mund të vazhdojmë në dialog nëse s’është Amerika në tavolinë”,ka thënë Haradinaj.
Insajderi ka kërkuar një përgjigje nga ambasada amerikane në Prishtinë, rreth qëndrimit të Haradinajt. Ambasada në përgjigjen që i ka dhënë Insajderit nuk ka pranuar përfshirjen në dialogun Kosovë – Serbi, por as nuk e ka mohuar.
“Qeveria e Shteteve të Bashkuara vazhdon të mbështesë dialogun e lehtësuar nga BE-ja. Ne do të punojmë nga afër me ekipin e Përfaqësueses së Lartë Mogherini lidhur me atë se si të ofrohet përkrahje më e fuqishme për procesin e dialogut”, ka thënë ambasada në përgjigjen e dërguar.
Ndërkohë të njëjtën kërkesë për përfshirjen e SHBA-ve në dialogun Kosovë – Serbi kishte propozuar edhe presidenti i vendit, Hashim Thaçi.
“Involvimi i SHBA-ve do t’i jepte këtij dialogut një kuptim të ri,do t’i jepte një dinamik dhe një siguri për sukses të këtyre rrethane të re të krijuara”, ka thënëThaçi . (S.SH/Shupalka)
Discussion about this post