Gjykata vendos “arrest me burg” për të fortin e Shijakut, Durim Keçin

“Arrest me burg” me motivacion ekstadimin ka dhënë gjykata e Durrësit për të fortin e Shijakut, Durim Keçin.

42- vjeçari është paraqitur ne ambjentet e gjykatës nën masa të rrepta sigurie, me qëllim shmangien e ngjarje të çdo lloji në pallatin e drejtësisë.

I akuzuari nuk foli në gjykatë, por nëpërmjet avokatit Ili Ilia, tha se nuk ka asnjë shkresë zyrtare, por vetëm një letër e interpolit pa vendimin e gjykatës italiane dhe pa përkthimin e duhur dhe në këto kushte ka kërkuar si masë sigurie atë të detyrimi paraqitje ose arrest shtepie.

Ndërsa organi i akuzës i përfaqësuar nga prokurori ilir turja ka kërkuar të konsiderohej i ligjshëm arrestimi dhe si masë sigurie atë të arrestit në burg me motiv ekstradimin drejt italisë.

Pavarësisht provave të paraqitura nga mbrojtja dhe kërkesës për një masë shtërnguese me të lehtë, trupi gjykues i përfaqësuar nga gjygjtarja Eda Kaja, ka vendosur të lërë në fuqi kërkesën e prokurorit Ilir Turja , atë të arrest me burg me Keçin.

Keçi, i shpallur në kërkim ndërkombëtar u arrestua nga policia e Durrësit pas dite më parë me qëllim ekstradimni drejt Italisë.  Durim Keçi, është dënuar nga drejtësia italiane me 9 vjet e 7 muaj burg për veprat penale” Dhunë, kërcënim dhe nëpërkëmbje të autoriteteve gjyqësore”, “Shkatërrim prone me pasoja të rënda”, “Trafikim të lëndëve narkotike”, “Krime me armë kundër personit”, “Pjesmarrje në organizatë kriminale me qëllim trafikimin e lëndëve narkotike” dhe “Shfrytëzim prostitucioni”.

Gjatë një prononcimi për “Fax News” avokati Ilia Ilia shpjegoi arsyet pse klienti i tij nuk duhet të ekstradohet. Durim Keçi u arrestua dy ditë më parë pasi ishte shpallur në kërkim nga interpoli për llogari të drejtesisë italiane.

(J.V/Shuplaka)