Dy persona të armatosur qëlluan një sërë të shtënash drejt selisë së partisë socialiste greke Pasok në Athinë, duke mos shkaktuar lëndime, por duke dëmtuar një dyqan të afërt të veshjesh.
Ngjarja është regjistruar gjatë mbrëmjes së sotme. Të shtënat u ndodhën rreth një orë përpara një debati televiziv midis kandidatëve për të udhëhequr aleancën më të gjerë socialiste.
“Kishte rreth 30 vetë brenda selisë së partisë kur u pushuan të paktën katër të shtëna. Dy burra u panë duke lënë skenën në një motoçikletë “, tha një zyrtar i policisë, shkruajnë mediat vendase.
Pasok shpesh ka qenë objekt i sulmeve të dhunshme në të kaluarën dhe udhëheqësi aktual i saj Fofi Gennimata fajësoi qeverinë për mosmarrjen e masave për të parandaluar këtë.
Në janar sulmuesit qëlluan mbi policinë që ruanin zyrat e Pasokut, duke plagosur lehtë një oficer. (B.H/Faxweb)
