Monika Kryemadhi, kryetarja e LSI-së ka folur pa dorashka, ashtu siç zakonisht di të bëj në lidhje me qeverinë Rama 2.
Ajo thotë se kjo qeveri është e zënë kaps dhe se i vetëm ministër që ajo ka një vlerësim është Niko Peleshi. Deklaratat e saj janë bërë në emisonin e gazetarit Roland Qafoku.
Monika Kryemadhi për qeverinë Rama 2
Edi Rama i ka mbrojtur të gjithë problemet me LSI. Ilir Meta ka qenë një antiplumb për të. Pra ka qenë mburoja antiplumb. Qeveria Rama 2 është zënë kaps. Niko Peleshi i vetmi që vlerësoj në qeverinë Rama 2. Ai është njeriu më i përgjegjshëm që ka Edi Rama. Më vjen keq që ministrisë së Bujqësisë i kanë lënë më pak fonde se sa nga koha kur ishte Panariti. Qeveria vetë është krimi i organizuar.
Monika Kryemadhi për marrëdhëniet me Edi Ramën
Unë kam që në vitin 2015 që nuk komunikoj me Edi Ramën. Ai e ka mbrorjtur LSI për të fshehur zullumet e tij. Pas rrëzimit të sistemit komunist Shqipëria ka 9 kryeministra. Tëgjithë kanë patur sukseset e tyre, gabimet e tyre e deri faje. Por një gjë është e habitshme. Asnjë prej tyre, përveç Edi Ramës nuk është ulur në tavolinë me kriminelë. Edi Rama ka thyer rregullin, është ulur në tavolinë me kriminelë dhe mafiozë.
Monika Kryemadhi për Linda Ramën
Unë kam marrëdhënie normale me Lindën. Përpara disa ditësh u përshëndeta me të. Unë e vlerësoj atë për profesionin e saj që ka. E mirëkuptoj për pozicionin e vështirë që të jesh bashkëshortja e zotit Rama. Por në atë që ajo përfaqëson si individ unë e vlerësoj dhe e respektoj.
A i besoni Lulzim Bashës zonja Kryemadhi? Kam parasysh që bashkëshorti juaj, presidenti i republikës është shprehur se ai të gënjen edhe për orën.
Kryemadhi: Unë nuk pyes as Metën dhe as Bashën se sa është ora.
Monika Kryemadhi për koalicionin në pushtetin lokal
Ne do bashkëpunojmë në nivelin lokal sepse problemet e qytetarëve janë më të rëndësishme se një krizë politike që mund të bëjmë ne. Nëse PS sjell në kuvend statusin e minatorit, unë si LSI do ta votoj.
Monika Kryemadhi për Ilir Metën
Kur jam në krevat me Metën nuk flasim për politikë, por flasim për fëmijët dhe dashurinë tonë. Ilir Meta është shtetar i paparë. Ai zbaton vetëm ligjin. Ilir Meta do të jetë një nga presidentët më rracionalë që ka patur Shqipëria. Filozofia që ka ngritur Ilir Meta është filozofia e mbajtjes së fjalës së dhënë.
Monika Kryemadhi për LSI
Pozicioni në opozitë i shërben LSI-së për të bërë katarsis. LSI e vetmja parti që ka bërë transparente fondet e saj.
(E.K/FAXWEB)
