”Flakë për flakë” i kundërpërgjigjet Donald Lu-së, analisti Ylli Dylgjeri. Pas deklaratës së ambasadorit amerikan se në fillim të vitit tjetër duhet të ketë arrestime të peshqve të mëdhenj, Dylgjeri thekson se nuk ka kuptim të vendoset një datë, sepse shteti duhet të punojë çdo ditë.
”Nëse ne do vendos gatishmërinë dhe besueshmërinë tonë, ne presim rezultate. Çfarë presim? Presim që ky plan agresiv i qeverisë së Shqipërisë të përfundojë me arrestimin e disa peshqve të mëdhenj në fillim të vitit të ardhshëm”, theksoi sot Lu në takimin për prezantimin e planit të ri ”Forca e Ligjit” që do të zbatohet nga Task Forca Speciale.
KOMENTI I PLOTË:
”Zoti Lu: Në Janar do të ketë arrestime!!!
Pse në Janar?
Po kur?
Në Shkurt
Pse në Shkurt?
Por kur?
Në Mars….e kështu e me rradhë vazhdon loja e kungulleshkës në muaj.
Çfarë është ky objektiv kalendarik?
Shteti punon çdo ditë dhe totalisht. Dinamika e jetës së krimit nuk fillon në Janar e mbaron në Dhjetor. Ndalimet s’kanë datë. Ashtu dhe lirimet. Datë kanë ngjarjet dhe Revolucionet, datëlindjet apo ndërrimi i jetës etj. Publiku pret me padurim rezultatet. Të presësh janarin do të thotë të hanë banditët dhe gjelin e Vitit Ri.
Atehere, deri në Janar …Publicitet.” (V.G/FAXWEB)
