Jo kriminelë, po peshq të mëdhenj, për kë e ka fjalën Donald Lu? Sot dëgjuam për të tretën herë me rradhë sesi ambasadori amerikan Donald Lu foli për koka të mëdhaja që duhen arrestuar.
Për herë të parë këtë Lu ka folur për katër klane mafioze dhe 20 familje që ushtrojnë akivitetin e tyre kriminal në vendin tonë, ndërkohë që edhe pse ka kaluar më shumë se një muaj, ende asnjë zhvillim nga fronti i të mëdhenjve.
“Më në fund shqiptarët duhet të jenë krenar për përparimin dmth kundër kultivimit të kanabisit. Por sfida më e madhe është ende përpara Shqipërisë, lufta kundër krimit të organizuar. Derisa peshqit e mëdhenj të arrestohen e të ndiqen penalisht e të futen në burg, kanabisi do të kthehet. Katër klanë kryesore kontrollojnë 20 familje kriminale që menaxhojnë operacione kriminale ku përfshihet trafiku njerëzor, shantazhi, vjedhja e makinave dhe pastrimi i parave.
Janë disa emra të famshëm kriminelesh shqiptar si trafikanti i drogës, Emiljano Shullazi për të cilin media pretendon se vazhdon të bëjë trafik nga qelia e paraburgimit, apo Lul Berisha, kreu i bandës së Durrësit që gabimisht u lirua herët nga zyrtarë të burgut, kjo çoi në arrestimin e drejtorit dhe avokatit po në mënyrë të mistershme është i lirë. Së fundmi Klement Balili, trafikant droge i kërkuar nga Greqia dhe DEA e SHBA po që ka dalë t’i shpëtojë drejtësisë shqiptare për 18 muaj falë paaftësisë së prokurorëve, policisë dhe minsitrisë së Drejtësisë. Ka dhe shumë shullazë, lul berisha dhe klement balilë të tjerë në Shqipëri”, deklaronte Lu në fillim të tetorit.
Më tej ai e përforconte këtë edhe në një koment të gazetarit Minxhozi, ku saktësoi se nuk donte që deklaratat e tij të përdoreshin politikisht.
“Të lumtë, Skënder Minxhozi! Të gjithë nxitojnë ta shohin këtë betejë si kundër PS-së apo PD-së. Ne amerikanët, duam veprime vendimtare kundër peshqve të mëdhenj të krimit.
Ne duam që të gjithë shqiptarët të ndalojnë grindjen dhe të fillojnë punën drejt një synimi të përbashkët: këta gangster të futen në burg. Mjaft u zutë dhe futjuni punës” – shkruan ambasadori Donald Lu pas një video të publikuar nga gazetari Skënder Minxhozi.
Ndërsa rasti tjetër i Lu-së është sot, ku në fjalën e tij nuk na tha asgjë të re, perveccse vendosi si afat për arrestime të tjera janarin.
”Nëse ne do vendos gatishmërinë dhe besueshmërinë tonë, ne presim rezultate. Çfarë presim? Presim që ky plan agresiv i qeverisë së Shqipërisë të përfundojë me arrestimin e disa peshqve të mëdhenj në fillim të vitit të ardhshëm”, theksoi Lu në takimin për prezantimin e planit të ri ”Forca e Ligjit” që do të zbatohet nga Task Forca Speciale.
E po peshq, peshq ambasadori, dhe peshq nuk po shohim gjëkundi, ndoshta ka ardhur koha që Donald Lu të lërë diplomacinë dhe të na flasë me emra!
(E.K/FAXWEB)
Discussion about this post