Deputeti i LSI-së Endrit Braimllari në Komisonin e Sigurisë në Kuvend ka pasur disa pyetje në drejtim të ministrit të Brendshëm Fatmir Xhafaj. Një prej tyre ishte dhe ajo nëse ministri do të shkarkonte drejtorin e Policisë Haki Çako.
Braimllari: Kur do e shkarkoni Drejtorin e Pergjithshëm të Policise? Ai mban përgjegjësi për situatën në vend. Janë shkarkuar vartës të Drejtorit të Pergjithshem, ndërsa ai nuk mban asnjë përgjegjësi.
Si i plotëson buxheti juaj nevojat e Policisë së Shtetit me qëllim që oficerë të lartë të policisëe të mos flenë nëpër pronat e trafikantëve në qarqe të ndryshme të vendit?
Xhafaj: Unë nuk mund të shkarkoj drejtorin e Policisë vetëm se ka shqetësime një forcë e caktuar politike.
Nëse ka shqetësime që lidhen me përmbushjen e funksionit dhe shkeljen e ligjit ky është një shqetësim tjetër. Deri më sot unë nuk e kam këtë shqetësim, ai është autoriteti më i lartë që ka Policia e Shtetit dhe duhet të respektohet autoritetet.
(E.K/FAXWEB)
