Çfarë po bëj? Përse dreqin po më ndodhin mua të gjitha këto? Kam dy vite që punoj dhe nuk kam vendosur asgjë mënjanë. Çfarë e ardhmeje më pret? E dija, duhej të kisha zgjedhur një fakultet tjetër. Ndoshta duhet të largohem nga ky vend, të kërkoj një mundësi tjetër diku larg. Nuk mundem dot më, e ndjej që po mbytem, e ndjen që nuk kam asnjë shpresë për të ardhmen. Oh Zot, Arktiku po shkrihet, kurse unë po mendoj se çfarë filtri të përdor për fotografinë e radhës në Instagram. Çdo i ri i moshës 25-vjeç nuk mund të mos ia ketë bërë të paktën një herë të vetme vetes, pyetjet e mësipërme, të cilat përcjellin të gjitha shqetësimet e brengat e shumë të rinjve nëpër botë, i cili njihet ndryshe si QLC (Quarter-life-crisis). Sipas një studimi dyvjeçar të ndërmarrë nga University of Greenwich, ku morën pjesë rreth 12.500 të rinj të moshës 18-32 vjeç u arrit në përfundimin se rreth 68% e 25 vjeçarëve dhe 32% e të rriturve nga 26-32 vjeç janë të prekur nga kjo gjendje e cila karakterizohet nga luhatje humori, gjendje paqartësie, stresi kronik e shenja të dukshme depresioni. Kriza e 25-vjeçarëve po përhapet me një shpejtësi të frikshme dhe të gjithë janë të rrezikuar. Sipas psikologëve e sociologëve kjo moshë përkon me një fazë ku të rinjtë përfshihen nga shumë dyshime për të tashmen, janë të paqartë për atë që i pret në të ardhmen, kanë një punë të pastibilizuar, i tremb ideja e krijimit të familjes në moshë të herët, nuk kanë pavrësinë ekonomike që do të dëshironin, si dhe ndihen të parealizuar e të frikësuar për kapërcimin drejt 30-ës.
Discussion about this post