Deputetja e PS-së Evis Kushi ka sulmuar përsëri sot Prokurorinë e Përgjithshme për çështjen CEZ. Sipas Kushit Prokuroria kërkon të varrosë aferën CEZ pasi nuk hetoi aspak për këtë çështje.
“Komisioni ynë hetimor ndiqet nga të gjitha komisionet e tjera dhe i çoi hetimet deri ne fund dhe me respekt të ligjit i kërkoi Prokurorit të Përgjithshëm hetim penal duke i vënë në dispozicion provat. Pse Prokuroria e mbylli çështjen pa hetuar dhe dëgjuar asnjë dëshmi dhe provë ?
Prokuroria kërkon të varrosë aferën CEZ , në këtë rast është e qartë që ky institucion ka vepruar hapur kundër ligjit. Sot që flasim për Refomën në Drejtësi, sot që flasim për dënimin e zyrtarëve të korruptuar, ka prokurorë që nuk po hetojnë dhe nuk po bëjnë punën e tyre. Ne po punojmë për të zhdukur këtë sistem të kalbur.”, u shpreh Evis Kushi. (J.V/Faxweb)
Discussion about this post