Dashi
Nëse doni të bini në sy për talentin tuaj dhe të merrni vendin e punës që ëndërroni, falë pozicionimit të Venusit me Plutonin, ky është momenti i përshtatshëm. Mundësia për të qenë të suksesshëm rritet, nëse në vend që të rrini në shtëpi, dilni më shumë dhe qëndroni me shoqërinë.
Demi
Nuk keni pse të shqetësoheni për asgjë. Me Diellin që ka hyrë për të ndriçuar shenjën tuaj, nuk do të vini re as pozicionimin e Hënës. Mos i merrni shumë seriozisht vlerësimet jo shumë pozitive të një të njohuri. Së shpejti do të hiqni çdo dyshim.
Binjakët
Me pozicionimin e Venusit dhe Plutonit, mund të arrini suksesin e lakmuar pa u shqetësuar dhe me qetësi shpirtërore. Në shtëpi ka nevojë për të bërë një rinovim. Lëreni veten të udhëhiqeni nga ndjesitë e mira.
Gaforre
Jeni pak i shkujdesur apo jeni duke menduar për gjëra të tjera dhe nuk i kushtoni rëndësi se çfarë jeni duke bërë. Përpiquni të jetoni në të tashmen. Çdo çast është i vyer dhe nuk duhet ta çoni dëm duke parë nga e kaluara.
Luani
Një perspektivë udhëtimi duket në horizont? Kapeni menjëherë mundësinë pa menduar shumë, pozicioni Hënë-Neptun do të bëjë që të jeni të mbrojtur. Nëse ka ndonjë ndryshim që duhet bërë, lërini instinktin dhe fantazinë që t’ju udhëheqë, nuk do të dështoni.
Virgjëresha
Ndonjë hezitim në lidhje me të ardhurat tuaja? T’i hidhni një sy bilancit të muajit është e udhës, nëse nuk e keni bërë ende. Nëse më pas llogaritë nuk dalin, do të ishte gjëja e duhur që të bënit disa gjëra më pak për të kursyer për atë që ju nevojitet vërtet.
Peshorja
Në këtë moment mund të keni më shumë pretendime ndaj kolegëve, por edhe nga vetja juaj, nëse doni të arrini objektivat e vendosura. Përdoreni të gjithë energjinë për të bërë përparime, ia vlen me të vërtetë barra qiranë.
Akrepi
Nuk mund të prisni gjithmonë përsosmërinë në çdo gjë. Nëse gjërat nuk shkojnë si duhet, analizoni njëherë veten, përpara se të fajësoni personin e parë që iu del përpara.
Shigjetari
Me Hënën të pozicionuar në një shenjë të ujit, ndjeshmëria juaj do të rritet jashtë mase. Ndërkaq, bëni kujdes për të mos humbur arsyen thjesht për një gjest. Përdorini “armët” tuaja me kujdes, në të kundërt do të keni probleme.
Bricjapi
Në vend që të përdorni dredhi që mund të kalojnë në raporte force, thjesht qëndroni sa më të qetë që të jetë e mundur. Është e vërtetë, nuk keni një “plan B”, por ndoshta në fund situata do të kthehet në avantazhin tuaj.
Ujori
Mënyra sesi është pozicionuar Hëna ju jep shumë paralajmërime, po ju i shpërfillni ose bëni sikur nuk shikoni. Megjithatë, duhet t’i hapni sytë. Jini të vëmendshëm dhe mos u gënjeni. Nuk do t’ju pëlqente fare që dikush të tallej me ju.
Peshqit
Koha e mbarimit të punës është një kënaqësi e vërtetë, nëse filloni të ndiheni pak të lodhur dhe mezi prisni orën kur të mund të shijoni lirinë. Merreni në dorë kohën dhe hapësirën tuaj, pa e vrarë mendjen se kë keni në krah.
Discussion about this post