Në Komunikimin Javor, kryeministri Edi Rama u është përgjigjur akuzave të opozitës. Ai akuzoi kundërshtarët politikë se me “pallavrat dhe shpikjet” e tyre duan të ndalojnë çdo hap të bërë para nga qeveria e tij.
“Kjo vjeshtë histerike e politikës, nuk mund të na pengojë për të bërë detyrën tonë. Ta mbajmë të plotë përgjegjësinë që na kanë dhënë njerëzit,Vetëm me reformat e vështirat dhe jo me gënjeshtra, me hap të vogël, jo me iluzione e pallavra mund ta bëjmë Shqipërinë. Kujt i duhet sherri e konflikti? Njerëzve të zakonshëm jo njëherë. Kujt i duhet pallavrat që shpik politika çdo ditë? Shqipërisë jo njëherë. Është për të ardhur keq, kur sheh kazanin e politikës të ziejë në vorbullën e pallavrave e shpikjeve. Kjo vjeshtë histerike e politikës, nuk mund të na pengojë për të bërë detyrën tonë. Ta mbajmë të plotë përgjegjësinë që na kanë dhënë njerëzit. U deshën shumë hapa për të nisur rrugën e Arbrit, plot 4 vite për të ardhur deri këtu, ama erdhëm po jo si të tjerët, që e kthyen rrugën e Arbrit si një nga premtimet më të përsëritura e të pambajtur,”, tha Rama.
Ndër të tjera ai u shpreh se “Kemi një projekt masiv për t’i kthyer rrugët kombëtare në rrugë Europiane, me siguri e me lëvizshmëri të garantuar, me standarde të certifikuara dhe natyrisht me hijeshi ditën dhe me ndriçim siç duhet natën. Merreni me mend që 27 vjet natën në të gjithë Shqipërisë, ndriçohet vetëm aksi Rinas-Tiranë. Por duke hedhur çdo ditë nga një hap ne do bëjmë një progres të konsiderueshëm”.
(S.SH/Faxweb)
Discussion about this post