Pas gjyqtarit Miri, mbetet në burg edhe kushëriri i tij

Gjykata ka dhënë masën e arrestit me burg për kushëririn  e gjyqtarit Shkëlqim Miri, Kujtim Miri. Mbi të rëndon akuza e korrupsionit.

Kushëriri i gjyqtarit akuzohet se ka luajtur rolin e sekserit mes tij dhe Gentian Dodës, personit që iu ndryshua akuza nga ”vrasje me paramendim” në plagosje. 

Gjatë ditës së djeshme Gjykata dha masën e arrestit me burg edhe për vetë gjyqtarin, edhe pse avokati i tij mbrojtës nuk ishte dakord me masën.

Ardian Visha u shpreh se gjyqtari ishte i sëmurë me tumor në kokë dhe një pjesë e parave do të përdoreshin për kurimin e tij në Gjermani. 

(E.K/FAXWEB)