Kreu i Grupit Parlamentar të LSI-së ka dhënë arsyet se pse kjo forcë politikenuk e voton Buxhetin e vitit të ardhshëm. Arsyeja kryesore për LSI-në është fakti se buxheti dëmton shtresat në nevojë dhe favorizon oligarkët.
’’Grupi pas shqyrtimit konstaton me keqardhje disa pasaktësi që ky buxhet ka, së pari TVSH-ja për biznesin e vogël, ulja e këtij kufiri është një problem kapilar për këtë biznes. Është një masë që shkon përkundrejt intreresave të një popullate të tërë. Është nJë masë e cila do të favorizojë oligarkët.
Masa të tjera që e bëjnë të pakapërcueshme situatën është dhe çështja e taksave që në konflikt me Kushtetutën, Qeveria zhvesh Parlamentin nga e drejta që ka për taksat, duke favorizuar klientët kriminalë të saj. Kjo është diskriminuese deri në palcë për të gjitha shtresat e tjera.
Favorizohen skandale të tjera, si rritja e taksës së banesës, përkundër të gjithë shteteve të tjera. Është shumë e qartë që ka një qëndrim të errët dhe favorizues ndaj pasrtimit të parave që janë koncensionet.
Unë e sfidoj qeverinë dhe të më thojë qoftë edhe një investim të madh që vjen nga ana e investitorëve të huaj”, u shpreh ndër të tjera Vasili.
(E.K/FAXWEB)
