Deputeti i PD-së Genc Pollo, i ftuar në “Fax News” ka deklaruar se shqetësimet e BE-së për drogën dhe situatën e krimit në Shqipëri është diçka që opozita e kishte paralajmëruar prej kohësh, por Rama e shkarkoi Tahirin vetëm kur ia kërkuan ndërkombëtarët.
Ai tha se edhe pse Shqipëria duhet të plotësojë disa kushte në rrugën drejt integrimit në BE, trajtimi i drejtë i çështjes së ish-ministrit të Brendshëm Saimir Tahirit, është një kusht i padeklaruar për negociatat.
“Deklarata e Mogherinit, opozita e kishte paralajmëruar. Denoncimet e opozitës tre vjet më parë po konfirmohen.
Në radhë të parë si qytetarë të Shqipërisë ne duhet të pyesim veten se cfarë është e mirë për vendi tonë, një qytetarë shqiptarë, një gazetarë shqiptarë, shoqëria civile duhet të shqetësohen për problemet në vend.
Përshtypja ime është që me trashjen e zullumit me lidhje e krimit me pushtetin si e tregoi Tahiri, është e rëndë, është më mirë që problemi të luftohet ashtru sic është, ne si opozitë, media, shoqëria civile t’i shohim e trajtojmë problemet siç janë , jo duke u përpjekur ti fshehim për të krijuar një imazh të mirë. Përndryshe krimi mund të kapë gjithë shtetin dhe ky vend bëhet i pajetueshëm, Ne bëmë shumë denoncime për Tahirin por Rama nuk e hoqi.
Mua më vjen keq për Tahirin se e kanë flakur pasi e përdorën, është shembëlltyra e kësaj qeverie, Tahiri nuk ka qenë i vetëm por kjo është ideja e krimit dhe ndëshkimit ntë ndëshkohet njëri që të marrin vesh dhe tjerët.
Nëse ne si opozitë po edhe më gjerë se opozita, majtas e djathtas, që nuk e duan vendin si vend të drogës duhet të bashkojnë zërat se nëse thjeshtë ndërrohet një Tahir me një tjetër do shkojë edhe më keq, PS nuk heq dorë. Bëri pëqrpjekje për ta mbrojtur, metoda për të qëndruar në pushte e këtyre është paraja, kanabisi, krimi.
Një qëndrim korrekt për çështjen Tahiri është një kusht i padeklaruar, nuk është progres fakti që nuk mbillet drogë si para një viti”, tha Pollo në ‘Fax News’. (B.H/Faxweb)
Discussion about this post