Reagon Basha për nxënësit e Shupenzës: Revoltë për pasigurinë, investimet në shkolla s’mund të bëhen pjesë e babëzisë qeveritare

Reagon edhe Lulzim Basha, kreu i PD-së pas kryetares së LSI-së, Monika Kryemadhi.

”Po ndjek nga afer gjendjen e nxenesve te gjimnazit te Shupenzes, te asfiksuar ne oren e mesimit nga gazi karbonik. Duke ju uruar sherim sa me te shpejte te rinjve qe po marrin mjekim ne Bulqize dhe Peshkopi si dhe per nxenesen e sjelle ne Tirane ne gjendje me kritike se te tjeret, shpreh keqardhjen dhe revolten per pasigurine e ambjenteve qe vene ne rrezik shendetin e nxenesve ne shkolla. Investimet ne shkolla nuk mund te behen pjese e babezise qeveritare qendrore apo lokale.”, thotë Basha.

Ai njofton se deputeti i Partisë Demokratike, Xhemal Gjunkshi, ndodhet në Dibër për të qenë pranë nxënësve dhe familjarëve të tyre dhe për të marrë informacion të detajuar mbi përgjegjësit e asfiksimit të 60 nxënësve të Shupenzës.

Ditën e sotme nxënësit e shkollës së mesme ”Rifat Manjani”  në Shupenzë u gjendën në një situatë shumë të vështirë, për shkak të keqfunksionimit të Kaldajës.

Menjëherë u shoqëruan në spital, duke dalë fatmirësisht nga gjendja e rrezikshme. (V.G/Faxweb)