Gramsh/ Furgoni me pasagjerë del nga rruga, 8 të plagosur, 5 prej tyre fëmijë (DETAJET)

Një aksident me pasojë plagosjen e disa personave  ka ndodhur në Gramsh pasi furgoni me targë AA 572 EZ doli nga rruga.

Aksideti ka ndodhur në fshatin ‘Bersnik i Sipërm’. Si pasojë janë plagosur 8 persona, 5 prej tyre fëmijë, ndërsa drejtuesi i mjetit K.D, 30 vjeç është në rrezik për jetën.

Njoftimi i policisë:

Më datë 17.11.2017 në fshatin Bërsnik i Sipërm mjeti autoveturë tip Fuoristradë me targa AA 572 EZ drejtuar nga shtetasi K.D., 30 vjeç banues në fshatin Posnovisht ka dalë nga rruga.

Si pasojë është dëmtuar vetë drejtuesi i mjetit i cili ndodhet në gjendje të rëndë.

Gjithashtu janë dërguar për ndihmë mjekësore në Spitalin e Gramshit pasagjerët shtetasit;

N.H., 55 vjeç, M.A., 25 vjeç, K.F., 9 vjeçe, E.V., 8 vjeçe, A.Sh., 8 vjeçe, L.V., 10 vjeç dhe H.V., 9 vjeçe.

Policia ndodhet në vendngjarje dhe po punon për përcaktimin e shkaqeve të aksidentit. (B.H/Faxweb)