Ambasadori i Shqipërisë në Turqi, Genti Gazheli ka folur sot në studion e lajmeve në ‘’Fax Neës” në lidhje me diplomacinë ekonomike. Ai u shpreh se ky është një term i ri për ambasadorët dhe diplomacinë shqiptare, po nuk paraqitet e njëjta situatë në të gjithë botën.
Ambasadorët u pajisën me një dosje të resurseve të vendit tonë për t’ua komunikuar investitorëve në vendet ku përfaqësojnë Shqipërinë.
“Diplomacia ekonomike si nocion nuk është një koncept i ri, po për ambasadorët e Shqipërisë po. Diplomacia ekonomike po citoj një thënie të sekretarit Xhon Kerry, ku thoshte që politikat e jashtme janë politikat ekonomike të një vendi.
Eksperienca ime në lidhje me diplomacinë ekonomike ka nisur që me marrjen e detyrës vitin e kaluar. Unë kam kontaktuar me të gjitha dhomat e tregtisë, dhe çdo dhomë biznesi që ka interes të investojë në Shqipëri. Ata do të joshen edhe përmes paketave fiskale, që është edhe ulja e TVSH-së. Ulja e taksave për pesë vite, investitor që do të ndërtojnë edhe hotelet me 5 yje të cilët nuk do të përfshihen nga skema e taksave.
Shqipëria është në konkurim dhe me fqinjët edhe pse ka përparësi se ka malet, fushat, klimën.
Këtu ka rreth 300 kompani turke që operojnë, me një xhiro vjetore 400-500 milionë euro. Këtu ka një ambjent të ngrohtë dhe shumë miqësor për të pritur biznesin e huaj. Janë disa kompani shumë të rëndësishme turke që operojnë në Shqipëri. TAP-i është një projekt shumë i rëndësishëm nga ku do të përfitojë edhe Shqipëria. Jo vetëm në aspektin e punësimit po edhe në faktin e përfitimit të gazit me një çmim më të favorshëm”, u shpreh Gazheli.
(E.K/Faxweb)
Discussion about this post