Shkrumbohet nga flakët një banesë në Lezhë, shkak shkëndija elektrike

Një zjarr i fuqishëm ka përfshirë një banesë në qytetin e Lezhës në lagjen” Skenderbeg”, raporton “Fax News”. 

Apartamenti ndodhej në katin e dytë të një pallati në lagjen “ Skënderbeg” dhe është përfshirë nga flakët nga një shkëndijë elketrike.  Në momentin e zjarrit familjarët nuk kanë qenë në banesë.

DETAJE:

Me datë 19.11.2017, rreth orës 16:38 është marrë njoftim se në një pallat ka rënë zjarr. Menjëherë në vendngjarje kanë mbërritur shërbimet policore që kanë konstatuar se në lagjen “Skënderbeg” në qytetin e Lezhës, në katin e dytë të një pallati, në apartamentin e shtetasit B.Gj. ka rënë zjarr.

Në banesë nuk ka asnjë person. Zjarrfiksja ndodhet në vendngjarje dhe ka bërë të mundur fikjen e flakëve të zjarrit.

Grupi hetimor në bashkëpunim me Prokurorinë e Rrethit Gjyqësor Lezhë po vazhdojnë hetimet për zbardhjen e plotë të shkaqeve dhe rrethanave të marrjes flakë të apartamentit.

(J.V/Faxweb)