Një aksident i frikshëm ka ndodhur paraditen e sotme në autostradën Levan-Vlorë pranë fshatit Panaja. Përmbyset automjeti tip Benz me targë AA 859 EV.
Automjeti ka goditur makinën e mirëmbajtjes në rrugë dhe më pas është permbysur. Dy persona kanë mbetur të plagosur.
Makina e mirëmbajtjes së rrugës nuk kishte tabela sinjalizuese në distance për të lajmëruar. Dy personat e mbetur të plagosur janë drejtuesi i mjetit Juljan toska dhe pasagjeri Florian Rrapaj.
DETAJE:
Më datë 20.11.2017, Salla Operative Vlorë është njoftuar se në autostradën Vlorë-Levan ka ndodhur aksident rrugor. Shërbimet e Policisë Rrugore kanë shkuar menjëherë pranë vendit të ngjarjes dhe kanë konstatuar se: në afërsi të fshatit Panaja, mjeti tip Benz me drejtues shtetasin J.T., 40 vjeç, është përplasur me mjetin e ndaluar të mirmbajtjes së autostradës.
Për pasojë kanë mbetur të dëmtuar shtetasit J.T., dhe pasagjeri F.Rr., të cilët ndodhen në Spitalin Rajonal Vlorë, jashtë rrezikut për jetën. Grupi hetimor po punon për përcaktimin dhe zbardhjen e plotë të rrethanave të aksidentit.
(E.K/Faxweb)
https://www.youtube.com/watch?v=SAGPq8hU_jg&feature=youtu.be
https://www.youtube.com/watch?v=wUdn506HdEg&feature=youtu.be
