Eurokomisioneri për Zgjerim, Johanes Han nga Maqedonia u shpreh se ligji për gjuhët është kërkesë tejet e arsyeshme. Hahn deklaroi se autoritetet e Maqedonisë duhet t’i shënojnë sferat prioritare për të cilat do të fitojnë vlerësime pozitive nga Brukseli. Ai ka theksuar se çështja e gjuhës shqipe nuk është prioritet i Brukselit.
Ai theksoi se ligji për gjuhët kalon nëpër procedurë kuvendore dhe se ai është miratuar në fazën e parë, në bazë të rekomandimeve paraprake nga Komisioni i Venecies, por shtoi se për momentin është me rëndësi Qeveria të përqendrohet në ligjet dhe në përmbushjen e kushteve për fitimin e rekomandimit pozitiv.
“Ligji për gjuhët nuk është pjesë e asaj që është dakorduar në këtë kontekst, por edhe një herë do të them se në Bruksel angazhohemi fokusi të vendoset në prioritetet, nëse kjo çështje mund të zgjidhet në kushte të tilla në rregull, nëse ka nevojë të definohen prioritetet, atëherë ato duhet të definohen sipas interesave kombëtare”- tha ai, njofton agjencia Ina. (J.V/Faxweb)
Discussion about this post