Ditën e sotme bëhet një vit nga aksidenti tragjik i dy të rinjve Ergi Dini dhe Kejdi Halili. Për familjen edhe sot dhimbja është njësoj si ditën e parë. Koha nuk mund që të shërojë plagën, për nënat, për motrat dhe të gjithë ata që e kanë njohur.
Rrënqethëse janë vargjet e thurura nga e ëma e Ergit, Mimoza në këtë 1-vjetor të ikjes së të birit. Ajp shkruan se në të gjitha momentet e dhimbshme pas ikjes së Ergit ka një sorë që do të jetë përherë aty për ta ndihmuar të ngrihet.
Reagimi i Mimoza Dinit:
Miq e dashamires! U be nje vit qe Ylli im,Ergi,ju bashkua yjeve te tjere,ne qiell! U be nje vit,qe zemra ime rreh edhe per Te. U be nje vit qe stuhite e dhembjes se shpirtit,me rrezojne. Por ne çdo çast te veshtire,kam ndjere nje dore qe shtrihej,per te me ngritur.
Ajo dore,jeni ju,miq dhe dashamires. Miresine tuaj e kam ndjere ne çdo çast. Jam lutur dhe vazhdoj te lutem edhe per ju.Lumturia qofte perhere ne vatrat tuaja!Jeni te çmuar per mua!
PER TIM BIR.
Mendja m’u thinj nga nata
Shpirti m’u keput,ra nga vjeshta,
Krahet m’i shqeu shterngata dhe zerin ma mbyti heshtja.
Trupi m’u ça nga dhembja dhe dhembja uluriti prej mallit,
Zemra uturoi nga brenda dhe mori fytyren e DJALIT.
Nga ana tjetër për Kejdin është mbajtur sot një meshë e shenjtë në altarin e Shën Pjetrit, Vatikan.
“Mesha e Shenjtë në altarin e Shën Pjetrit, Vatikan, për tim bir, sot në përvjetorin e tij… Zoti i bekoftë miqtë e mi, tashmë familja ime e madhe! Të Krijuesit jemi të gjithë!”, shkruan e ëma e tij Erenestina Halili.
Pedagogia e dashur pak kohë më parë publikoi dhe librin e saj të dytë, një mënyrë që ka gjetur për të tejkaluar dhimbjen.
(E.K/Faxweb)
Discussion about this post