Deputetja e PS-së Elona Gjebera më parë ka mbajtur postin e zv-ministres së Brendshme, kur në krye të kësaj minsitrie ishte Saimir Tahiri. Së fundmi ish-ministri i Brendshëm është nën hetim nga Prokuroria për çështjen “Habilaj” pasi mbi të rëndojnë dy akzua.
Por lind pyetja a ka dëshmuar në Prokurori për lidhjet me “Habilajt” Elona Gjebrea?
Elona Gjebrea, deputete e PS-së në Tiranë së fundmi ka mohuar të jetë thirrur në Prokurori për këto akuza. “Nuk është e vërtetë që jam thirrur në Prokurori. Jam e hapur me mediat dhe prokurorinë. Nëse do më thërrasin jam e gatshme të dëshmoj”, ka deklaruar ajo duke mohuar gjithçka.
Por sot ajo është acaruar nga një pyetje e gazetres ” Ke udhëtuar me Habilajt?”, e pyeti gazetarja. “Ti moj vajzë nuk je prokurore të më pyesësh në këtë mënyrë.”, u shpreh Gjerbrea.
Por çfarë thonë burimet?
“Exit.al” ka shkruar se Elona Gjebrea është marrë në pyetje nga prokurorët e Krimeve të Rënda, ndërsa është mësuar se ajo ka qenë e pranishme në rrethana të dyshimta me Saimir Tahirin dhe vëllezërit Habilaj.
” Exit.al” i referohet burimeve nga Italia, të afërta me prokurorinë e Katanias të cilët thonë se gjatë kohës që shërbente si zëvendëse e Saimir Tahirit, Gjebrea dyshohet të ketë qenë të paktën një herë në shoqërinë e vëllezërve Habilaj.
Në lidhje nëse ka dhënë apo jo dëshmi deputetja Prokuriria e Krimeve të Rënda nuk ka dhënë ansjë infromacion.
Sjellim në vëmendje që Elona Gjebrea shërbeu si zëvendëse e Saimir Tahirit në periudhën 2013-2017. Ajo ka qenë zyrtarisht e ngarkuar me luftën kundër trafikimit dhe ka shërbyer si koordinatore kombëtare për Luftën Kundër Trafikimit të Qënieve Njerëzore.
Duke marrë parasysh faktin se kultivimi i drogës gjatë 4 viteve të fundit është kthyer në një problem serioz për vendin, Gjebera ka pasur një rol kyç në luftën kundër këtij fenomeni.
A është takuar Gjebrea me vëllezërit Habilaj? Ai ishte në djeni ajo për këtë grup të strukturuar kriminal si “Habilajt”? A është thirrur në Prokurori deputetja e PS-së dhe nëse po çfarë dëshmoi aty? Të gjitha këto priten të zbardhen pas hetimeve për Saimir Tahirin.
Por duhet të theksojmë duke qenë se Tahiri akuzohet për dy vepra penale të cilat kanë të bëjnë me shfrytëzimin e postit të tij, Gjebera ka qenë zvëvendësuesja e tij në këtë post, shumë pranë Tahirit. (J.V/Faxweb)
Discussion about this post