Merkel: Do ta formoj sa më parë qeverinë, Europa ka nevojë për një Gjermani të fuqishme
Kancelarja gjermane, Angela Merkel ka deklaruar sot se qëllim i saj është që të formojë qeverinë, pas dështimit të bisedimeve me partitë e tjera javën e kaluar.
“Evropa ka nevojë për një Gjermani të fuqishme, është e dëshiruar që të fitojë shpejt qeverinë”, tha Merkel në një takim të partisë CDU.
Ajo theksoi se qeveria e saj teknike është e aftë të kryejë punët e përditshme në ekonominë më të madhe evropiane.
Negociatat midis Kristian Demokratëve të Merkel (CDU) dhe partive më të vogla u ndërprenë në orët e hershme të mëngjesit të së hënës, duke shkaktuar një javë të paqëndrueshme ku Gjermania dukej se do mbeste pa qeveri.
Kriza u qetësua por nuk u zgjidh plotësisht kur Social Demokratët (SPD), partia kryesore e qendrës së majtë ranë dakord të hynin në bisedimet e koalicionit të premten.
Nëse ajo dëshmon se nuk është në gjendje të formojë një qeveri të re koalicioni, një Merkel e dobësuar nuk do të ketë zgjidhje tjetër përveçse të formojë një qeveri të dobësuar të pakicës ose të përballet me zgjedhje të reja të parakohshme.
(B.H/Faxweb)
