I është dhënë fund konfliktit në distancë midis Hygerta Sakos dhe Stresit ku nuk munguan as sharjet dhe ofendimet.
Gjithçka nisi me një koment nga ana e Sakos, ku thoshte se nuk dëgjonte muzikë rap pasi i përdhunonte veshin, duke nënkuptuar edhe muzikën që bën Stresi.
Pas kësaj Stresi pati një reagim të fortë, duke ofenduar moderatoret që sipas tij nuk mbajnë mend sa dashnore kanë. Vetë Sako është detyruar të bëjë një tjetër reagim, dhe më pas Stresi ka fshirë postimin fyes nga Instagrami i tij.
“Është e disata herë që portale të ndryshme, pa pikë profesionalizmi, vetëm për disa klikime, marrin fjali të intervistave të mia dhe i interpretojnë si të duan duke krijuar tituj bombastikë dhe për të bërë “lajme”. E fundit është abuzimi që është bërë në lidhje me deklaratën time për Stresin.
Më duhet të sqaroj që s’kam asgjë personale me të, respektoj punën e çdokujt edhe pse mund të mos hyjë në shijet e mia. Kush e ka marrë mundimin të degjoje intervistën, do e kuptonte që nuk fola për Stresin, por për MUZIKËN RAP. Dhe në fund të fundit kam të drejten time ta pëlqej diçka ose jo. Nuk i vë faj as Stresit dhe as fansave të tij që kanë lexuar vetëm titujt e ketyre portaleve pa pikë morali dhe respekti për njerëzit, i mirëkuptoj. Por ama kuptova që jemi thjesht “viktima” që përdoremi për të bërë klikime.
Ndaj marr VENDIMIN që mos të dal më, në asnjë interviste këtej e tutje. U kërkoj ndjesë kolegëve të mi gazetarë, që mund të më kontaktojnë në të ardhmen.
Nuk do lejoj më që fjalitë e mia të keqpërdoren dhe keqinterpretohen!!!”,- shprehej dje Hygerta.
(E.K/FAXWEB)
