Është një bisedë nga ato të këndshmet, dhe fjalë nga ato të cilët do të donte t’i dëgjonte çdo grua. Deputetja demokrate Orjola Pampuri është surprizuar dje nga fjalët e bashkëshortit të saj teksa ka qenë e ftuar në emisionin e pasdites te ‘’Rudina”.
Ajo dhe Henriku bashkëshorti janë prindër të dy djemve, Endit dhe Kevinit. Orjola ka treguar se ka një mbështetje shumë të madhe nga familja sidomos tani që është angazhuar në politikë.
“Henriku është kritiku im më i mirë, pa këshillën e tij, pa mbështetjen e tij, unë nuk do të isha këtu ku jam sot. Historia më Henrikun më ka ndryshuar jetën, kam një fat të jashtëzakonshëm që e kam në krah…” – tha Orjola ndër të tjera për bashkëshortin.
E ndërsa ai i ka bërë asaj një propozim vërtet të veçantë…’ajde të arratisemi së bashku”.
‘’E mendova ta bëj në formë surprise, personalisht do të thoja që jam bashkëshorti më i mirë në botë që të kam ty dhe që kemi dy djemtë tanë të mrekullueshëm. Ti i je futur tashmë një rruge të vështirë që është poliyika, po unë dhe dy djemtë do të mbështesim sa më shumë në mëyrë që ti të shkëlqesh edhe aty.
Unë jam i lumtur që në fund të çdo dite time të të përkushtohem ty, të të mbështes ty dhe të jem në krahun tënd. Ajo çka do të thoja tjetër është se ne në këto prag festash Nëntori do të kemi një udhëtim bashkë, një arratisje siç e quajmë ne, ku do të kemi mundësinë për t’u ridashuruar, për t’i paionuar. Ti ke një libër që e ke përkëthyer, “Një orë për të jetuar, një orë për të dashuruar”, unë dua të them sikur edhe një orë jetë të kisha do të kisha zgjedhur ty. Të duam shumë unë dhe djemtë”, u shpreh mes të tjerave Henriku.
Më tej deputetja është përlotur dhe ka thënë se marrëdhënia me bashkëshorten e ka ndryshuar.
(E.K/Faxweb)
Discussion about this post