Kreu i Kremlinit, Vladimir Putin ka uruar Presidentin e vendit Ilir Meta me rastin e ditës së Flamurit. Presidenti Rus shprehu se bashkëpunimi i shërben përforcimit të paqes dhe stabilitetit në Ballkan dhe në të gjithë Evropën.
Mesazhi i plotë
“Shkëlqesisë së tij, z. Ilir Meta, Presidenti i Republikës së Shqipërisë.
I nderuar zoti President,
Merrni urimet e mia me rastin e festës kombëtare të Shqipërisë, Ditës së Flamurit.
Synojmë përparimin e marrëdhënieve ruso-shqiptare. Kjo sigurisht do të ishte në përputhje me interesat thelbesore të popujve të vendeve tona, dhe do t’i shërbente përforcimit të paqes dhe stabilitetit në Ballkan dhe në të gjithë Evropën.
Ju uroj Juve shëndet dhe suksese, ndërsa të gjithë qytetarëve të Shqipërisë u uroj mirëqenie dhe begati.
Me respekt,
Vladimir Putin
28 nëntor 2017″(M.Q/Faxweb)
Discussion about this post