Petro Koçi për “Fax News” ka deklaruar se për përmbytjet janë angazhuar në terren 400 forca ushtrie dhe 100 automjete si deri më tani janë kryer nga ajëri 18 operacione. Ai është shprehur më tej se nga NATO ende nuk ka kërkuar ndihmë shteti shqiptar pasi nuk është e nevojshme.
“Janë marrë masat për bagëtitë dhe çfarë mund të shpëtohet nga ato. Ne si Ministri e Mbrojtjes, kemi marrë masat, kutohet se Drejtoria e Emergjencave është një institucion organizativ. Ne tani kemi në terren 400 forca dhe 100 automjete. Kemi edhe autopompa për të thithur ujin. Forcat ajërore kanë qenë të angazhuar, janë kryer 18 operacione, ku mes tyre edhe për të shpëtuar jetë njerëzish. Ne kemi Fushë-Krujë në një situatë të rënduar. Forca e reagimit ka qenë më mirë. Mendoj se ka për të bërë më shumë. Ne mund të organizojmë strukturat vullnetare dhe patjeter duhet të mbërrijnë edhe ndihmat.
Deri tani nuk kemi kërkuar ndihmë nga NATO pasi nuk ka qenë e nevojshme. Pjesa që ndoshta mund të kërkojë asistencë ndërkombëtare është kompesimi i tyre. Ka patur dëme në bagëti por meqë paralajmerimi i tyre ka dalë në kohë familje dhe subjekte private që kanë larguar prej aty. Kosova ka dëguar gjashtë grupe për të ndihmuar për evakuim. Duhet të themi që kësaj rradhe veriu ka qenë më pak i kërcënuar, për shkak se pellgjet ujore kanë qenë nën nivel. “, u shpreh Petro Koçi për “Fax News”. (J.V/Faxweb)
Discussion about this post