Situata në të cilën po kalon vendi si shkak i përmbytjeve dhe motit të keq, nuk kaloi pa pasoja as në jetët njerëzore. Ashtu siç e kemi thënë edhe më herët në Shkodër një punonjës i OSHEE-së humbi jetën ndërsa dy të tjerë u plagosën.
OSHEE financon dërgimin në Itali për kurim të dy punonjësve të aksidentuar pak ditë më parë në Shkdër ndërsa punonin për riparimin e defekteve të shkaktuara nga reshjet e dendura të shiut.
OSHEE ka marrë po ashtu përsipër dërgimin për ndërhyrje të specializuar jashtë vendit për 46 vjeçarin Afrim Halluni me funksion elektricist i linjave të tensionit të lartë dhe 30 vjeçarin Erion Hafizi me funksion operator në nënstacionin Shkodra 1.
Kompania e shpërndarjes do të mbulojë financiarisht dërgimin ditën e hënë të dy të lënduarve me avion special mjekësor drejt spitalit “Sant Eugenio” të Romës dhe kurimin në spital për djegiet që kanë pësuar.
“Gjithashtu, OSHEE ka qëndruar pranë familjes së elektricistit Sabri Vlinga i cili humbi jetën në krye të detyrës ndërsa punonte për riparimin e një defekti në fiderin e Roskovecit. Kompania ka vendosur të punësojë pranë OSHEE-së dega Fier bashkëshorten e të ndjerit, Mirelën. OSHEE do të paguajë plotësisht edhe pagesën e studimeve të vajzës së të ndjerit, Donaldës, e cila ndjek studimet për Financë-Bankë pranë Universitetit Europian të Tiranës. Një falënderim për të gjithë punonjësit e OSHEE që me sakrificë dhe në kushte të vështira atmosferike punojnë natë e ditë për garantimin e një furnizimi të qëndrueshëm me energji elektrike.”, thuhet në njoftim.
(E.K/Faxweb)
Discussion about this post