Sa i përket sistemit të drejtësisë çdo ditë mund të dëgjohen çudira në vendin tonë. Rasti më i fundit na vjen nga Elbasani ku prokurorja ka denoncuar zhdukjen e tre dosjeve nga zyra e saj.
Denoncimi është bërë nga vetë Prokurorja Amanda Xhaferri, e cila kishte konstatuar që në zyrën e saj ishin marrë dokumente.
Por policia nuk konstatoi dhunim të zyrës së prokurores dhe deklaroi se as dera dhe as dritarja nuk janë hapur forcërisht.
Specialistët për hetimin e Krimit Ekonomik dhe Financiar pranë Drejtorisë së Policisë Elbasan, referuan në Prokurorinë e Tiranës materialet për veprën penale “Shpërdorim detyre” dhe “zhdukje ose humbje e fashikullit”.
Në njoftimin e policisë mësohet se fashikujt e zhdukur ishin materiale të task forcës për hetimin e korrupsionit. Ndërkohë misterin e shton prokuroria, e cila mohon ngjarjen.
Nga Prokuroria e Elbasanit bëjnë me dije se nuk ka materiale të humbura dhe çdo gjë është e dokumentuar me procesverbal.
(E.K/FAXWEB)
