Fermeri shokon me zgjedhjen e tij, përdor prezervativë për të fermentuar verën (FOTO)

Embargoja tregtare e SHBA-së dhe çështjet me ekonominë e Kubës nënkuptojnë që mijëra produkte janë të vështira për t’u kapur.

Disa peshkatarë në shëtitoren bregdetare të Havanë-s fryjnë prezervativët për t’u përdorur si varkë e improvizuar. Kështu bartin karremin shumë larg bregut të detit dhe rrisin rezistencën kundër tërheqjes së peshkut.

Por përdorimi i prezervativëve nuk mbaron me kaq në fushën e ekonomisë.

Një familje që zotëron një fabrikë vere në Havana e përdor prezervativin për të ndihmuar në fermentimin e produktit të tyre.

 Orestes Estevez dhe familja e tij mbushin shtamba qelqi me rrush dhe xhenxhefil dhe më pas në grykën e secilës shishe qelqi vendosin një prezervativ.

“Procesi i pazakontë i prodhimit të verës në fermën “El Canal” të Kubës ka prodhuar mijëra gallona verë,”- shkruan New York Post.

Orestes përdor prezervativin për ta ndihmuar në fermentimin e produktit. Kur fermentimi është i plotë, prezervativi ndalon fryerjen dhe bie poshtë.

Kjo do të thotë se vera është e gatshme për shishe.

“Vendosja e një prezervativi në një shishe është ashtu si tek një njeri. Prezervativi ngrihet, vera është gati, dhe pastaj procesi është i përfunduar kur ai bie poshtë. Ajo merr rreth një muaj apo 45 ditë për t’u prodhuar dhe në ditë shesim rreth 50 shishe verë.”- tha Orestes për New York Post.

(F.M/Faxweb)