Që prej disa minutash është bllokuar aksi rrugor Këlcyrë-Përmet. Dhjetra të rinj duke brohoritur dhe vendosur në mes të kësaj rruge kërkojnë lirimin nga burgu të tre lojtarëve të Këlcyrës.
Sjellim në vëmendje që vetë një ditë më parë janë arrestuar tre futbollistët e ekipit të “Këlcyrës pas dhunës të ushtruar ndaj gjytarit, Albi Paço.
Tre futbollistët goditen arbitrin gjatë ndeshjes Përmet-Këlcyrë, ditën e djeshme. Sipas të njëjtave burime të arrestuarit janë: Entilion Kamberaj, Klodian XHakollari, Andi Hina, pjesë e ekipit të Këlcyrës.
“Lirojini” brohorasin tifozët e tyre. Tifozët për “Fax News” janë shprehur se gjyqtari Paco ka marrë ryshfet dhe se ndeshja ka qenë e shitur. Ata thonë se do t’i drejtohen Prokurorisë për hetime. Tifozët kanë theksuar se nuk janë pro dhunës dhe se kanë marrë leje nga policia për këtë protestë.
“Apel federatës për gjyqtarët që shesin ndeshjen”, shprehen tifozët. Nga ngjarja e djeshme u ndërpre ndeshja Këlcyra-Përmet në minutën e ’82 dhe nuk rifilloj më. (J.V/Faxweb)
https://www.youtube.com/watch?v=hMu-nnWGilM
https://www.youtube.com/watch?v=yBJiT6GgmUw
