Wu Yongning kishte grumbulluar mijëra ndjekës në rrjetet sociale për videot e tij dramatike të shkurtra që tregonin se ishte vendosur në majë të ndërtesave të larta pa përdorimin e pajisjeve të sigurisë.
Shqetësimi u rrit në mesin e tifozëve të tij kur ai ndaloi postimin e përditësimeve në nëntor.
Tani është shfaqur se ai vdiq pasi u rrëzua nga një ndërtesë 62-katëshe në qytetin e Changsha.
Mediat kineze raportojnë se ai po merrte pjesë në një sfidë për të fituar një sasi të konsiderueshme parash.
26-vjeçari vdiq më 8 nëntor, por vdekja e tij u konfirmua vetëm nga e dashura e tij në një postim në mediat sociale kineze një muaj më vonë.
Të ashtuquajturat “rooftoping” – ngjitja e ndërtesave shumë të larta të qytetit pa pajisje sigurie – është bërë gjithnjë e më popullore në të gjithë botën gjatë viteve të fundit.
Postimet e z. Wu në Weibo paralajmëruan shikuesit e tij që të mos imitonin shfaqjet e tij të rrezikshme. Ai kishte trajnime për artet marciale, dhe më parë kishte marrë pjesë në disa producime televizive dhe filmike.
Në videon e publikuar më poshtë, Yonging shihet duke qëndruar i varur në kulmin e ndërtesës, dhe pasi humb fuqinë në duar tenton të ngjitet në kulm por pa sukses – rrëzohet dhe vdes në vend. (B.H/Faxweb)
https://www.youtube.com/watch?time_continue=1&v=pUuKN6Oi7nc
Discussion about this post