Për zgjedhjen e Kryeprokurorit, kreu i PD-së Lulzim Basha gjatë një bashkëbisedimi me gazetarët u shpreh se Rama do të vendosë një prokuror politik dhe po dhunon Kushtetutën.
Sipas Bashës kryeprokurorin e zgjedh vetëm KLP-ja dhe se Kuvendi ka vetëm një rol, të miratojë një nga tre kandidaturat që sjell KLP-ja.
“Që këto dy parime vetingu dhe pavarësia nga politika të ishin të paprekura u sanksionuan qëllimisht në Kushtetutë. Reforma në drejtësi u fut në Kushtetutë për të qenë e praprekur.
Prokurori i ri të zgjidhet nga KLP-ja me 3/5 e votave , me vetting. Sot kemi krizë të dhunimit të Kushtetutës. Po bllokohet qëllimisht Reforma në Drejtësi. Të zbatosh Reforën në Drejtesi do të thotë të zbatosh Kushtetutën. Kushtetuan nuk lë hapësirë për periudhë tranzitore. Ligji është i mirëpërcaktuar. Kjo që bën Rama dhunon rënë Kushtetutën. Duan të vendosin një Prokuror politik, të kapur nga 36 deputet. KLP-ja duhet të ishte krijuar 8 muaj më parë. Vetëm KLP mund të zgjedhë Kryeprokurorin. Kuvendi ka vetëm një rol, të miratojë një nga tre kandidaturat që sjell KLP-ja. Kandidatët duhet të kenë kalaur Vettingun. kushtetuta nuk lejon asnjë hapësirë që të ketë prokuror të përkohshëm”, u shpreh Basha. (J.V/Faxweb)
Discussion about this post