Pse largohen investitorët e huaj nga Shqipëria?! Ambasadorja e Hollandës tregon DY arsyet

Në vendin tonë përveç numrit të ulët të investitorëve të huaj, shqetësim mbeten dhe arsyet e largimeve të tyre nga Shqipëria.

E pyetur nga “Monitor”, se përse largohen investitorët e huaj nga Shqipëria, ambasadorja hollandeze në Tiranë e ka drejtuar gishtin nga korrupsioni dhe burokracia.

 Deëi Van de Ëeerd thotë se investitorët e vendit të saj janë të interesuar për të investuar, por shohin si pengesë pikërisht korrupsionin.

“Për të përmirësuar klimën e biznesit është e rëndësishme të kuptohet, se për kompanitë është thelbësore që politikat e investimeve, por edhe rregulloret fiskale, të jenë të qarta dhe të parashikueshme. Prokurimi publik duhet bërë në një mënyrë të drejtë dhe transparente. Investitorët e huaj nuk duhet të largohen nga procedurat e shtrenjta dhe të komplikuara. Investitorët holandezë i pranojnë përmirësimet në klimën e biznesit, por korrupsioni dhe burokracia vazhdojnë të jenë pengesa” ka thënë ambasadorja.

Holanda është investitori i dytë me 14% të totalit të investimeve në Shqipëri. Sipas Zyrës Qendrore Holandeze të Statistikave, ambasadorja thotë se ka rritje me 30% krahasuar me vitin 2014. Vitin e kaluar, qeveria e shpalli si vitin me investimet më të larta ndonjëherë.

(E.K/FAXWEB)