Asambleja e Përgjithshme e OKB-së pritet të mblidhet sot ku do të votohet një rezolutë kundër vendimit të presidentit amerikan Donald Trump që njeh Jeruzalemin si kryeqytet të Izraelit.
Në lidhje me këtë ka reaguar edhe ish-kryeministri Berisha i cili e ka quajtur votën pro të Shqipërisë për dënimin e vendimit të Trump kundër interest të shqiptarëve.
Kujtojmë që ambasadorja e SHBA-së paralajmëroi përfaqësuesit e vendeve të tjera në Kombet e Bashkuara se do të mbajë shënim emrat e vendeve që do votojnë pro rezolutës dhe kundër SHBA.
“Ne OKB do votohet nje rezolute anti-amerikane!
Vota ne OKB per denimin e vendimit te Presidentit Trump per Jeruzalemin, eshte vote kunder interesit kombetar te shqiptareve. Sb”, shkruan Berisha.
Vendimi I Trump për njohjen e Izraelit nuk ka gjetur mbështetje mes vendeve kryesore në Europë pasi në deklaratat e tyre ata kanë thënë se mbështesin një zgjidhje përmes bisedimeve. (B.H/Faxweb)
Discussion about this post