Prej disa ditësh vendi ndodhet nën pushtetin e temperaturave mjaft të ulëta, e megjithatë moti mbetet i kthjellët.Sot, datë 22 dhjetor, nuk priten reshje , njofton Instituti i Gjeoshkencave.
Temperaturat minimale dhe maksimale të ajrit pritet të arrijnë:
në bregdet: -1 °C / 11 °C
në vendet e ulëta: -6 °C / 11 °C
në vendet malore: -10 °C / 4 °C.
Era do të fryjë e lehtë, ndërsa në bregdet deri mesatare.
Sinoptikanët parashikojnë që kjo javë do të vazhdojë të jetë e ftohtë, me temperatura që do të zbresin nën zero. Situata pritet të përkeqësohet në javën e parë të janarit, ku në zonat malore priten reshje të dendura dëbore e ndërsa parashikohet që edhe Tirana të veshë “petkun e bardhë”.
Për të gjithë të apasionuarit, në datën dy janar pritet që bora të zbardhë kryeqytetin. Mesa duket festat e fundvitit do tëduhet që ti kalojmë nën pushtetin e bardhësisë së borës, por edhe të ftohtit ekstrem.
(E.K/Faxweb)
