Viti që po mbyllim ka qenë plot me dasma edhe në rradhët e personazheve të showbizit në vendin tonë. Nga dasma e Orindës dhe Turit, te Besi e Xhensila, apo edhe te Marina e Geti. Po nuk mbaron e gjitha me kaq. Në këtë viti patëm edhe një sërë lidhjesh të reja apo propozime.
Më e fundit na vjen nga ana e këngëtares mjaft të dashur Afërdita Dreshaj. Këto ditë kryefjalë e mediave rozë ka qenë propozimi për martesë i Adelina Tahirit, në Vjenë dhe një unazë me një gur të madh diamanti, por një tjetër bukuroshe do të na martohet së shpejti. Afërdita Dreshaj, e cila nëpërmjet një fotoje në Instagram na tregoi se kishte marrë një propozim në ëndrra.
“Ishte si një ëndërr. Unë thashë po”, ka shkruar Afërdita bashkangjitur fotos.
Afërdita Dreshaj po zhvillon karrierën e saj mes SHBA dhe Shqipërisë dhe është në një lidhje prej disa kohësh me hokeistin çek, Jakub Kindl. Kur do të jetë dasma? Këtë nuk e dimë ende, por ne po presim me padurim të shohim bukuroshen e veshur me fustan të bardhë.
(E.K/FAXWEB)
Discussion about this post