Këshilltarët e djathtë në Këshillin Bashkiak të Tiranës nëpërmjet një konferencë dhanë arsyet pse bojkottuan dje votimin e “Buxhetit 2018” të bashkisë së Tiranës. Sipas tyre “Buxheti 2018” i miratuar dje nga Veliaj është një buxhet korruptiv dhe që nuk ka asnjë strategji për rekomandimin e riskut.
“Ajo që ndodhi dje ishte një teatër dhe jo një mbledhje e Këshillit Bashkiak. Gjetëm një sallë me persona të manipuluar. Duke parë këtë situatë teatrale u detyruam ta linim sallën por ne jemi të detyruar që të japim shpjegime mbi buxhetin dhe me atë që ndodhi dje në sallë. Sot Tirana është pa buxhet pasi ajo që u miratua dje nuk është e rregullt.”, u shpreh Kreshnik Çollaku.
Ndërsa këshilltarët e tjerë të djathtë theksuar se ky është një buxhet i dyfishmit të taksave. “Buxheti i Veliajt është tërësisht korruptiv. Asnjë strategji për rekomandimin e riskut. Parashikimi i të ardhurave është bërë në mënyrë të fryrë. Ky është buxheti i dyfishmit të taksave.”, u shprehën ata.
Buxheti i Bashkisë së Tiranës u miratua me 32 vota pro pas tre orësh debate. Ishin 4 vota të LSI dhe 2 të PDIU-së që mundësuan kourumin e nevojshëm. Anëtarët e LSI-së që votuan pro buxhetit ishin Genta Mezini, Agim Kraja, Naim Halili dhe Bora Panajoti. (J.V/Faxweb)
Discussion about this post