Përveç muzikës që di ta bëjë shumë mirë, Noizy na ka treguar hera-herës që është edhe një njeri me zemër të madhe. Jo pak herë këngëtari është bërë pjesë e nismave bamirëse, ku ka dhënë kountributin e tij për njerëz në nevojë.
Rasti më i fundit për të cilën reperi ka lëvizur gurët ka qenë gjendja në të cilën ndodhet 23-vjeçari nga Shkodra Florenc Beqiraj. Prej disa ditësh i riu dergjet në një spital të Marsejës dhe askush nga autoritetet shqiptare nuk ka reaguar. .
Noizy ka postuar në Instagram bisedën që ka pasur në Ëhatsapp me të parin e Tiranës, Erion Veliaj, prej të cilit ka marrë garanci se dikush nga ambasada shqiptare në Francë do të gjendet pranë Florencit dhe familjarëve të tij.
Këta të fundit janë të shokuar nga ngjarja, pasi spitali ka kërkuar praninë e tyre për të dhënë firmën që t’i heqin aparaturat që e mbajnë në jetë 23-vjecarin, pasi sipas bluzave të bardha për të nuk ka më shpresë.
Pasi duket se ka marrë mbështetjen e duhur Noizy më pas e ka fshirë postimin e tij. Edhe këtë herë, ka dashur të tregojë se asgjë nuk e bën për të rënë në sy. Shpresojmë që më në fund autoritetet shqiptare të reagojnë në lidhje me rastin vërtet të dhimbshëm.
(E.K/FAXWEB)
Discussion about this post