Dhënia e shtetësisë për Janullatus, reagon Kotzias: Forcoi besimin ndërmjet dy popujve

Ministri i Jashtëm grek, Nikos Kotzias pas dhëniës së shtetësisë shqiptare për Janullatus nga presidenti Ilir Meta , ka përshendetur vendimin e këtij të fundit.

Ai shprehet se ky vendim njeh kontributin e madh të Janullatos në Shqipëri.

 “Ky ishte një vendim që njeh kontributin e tij të thellë njerëzor dhe për forcimi ne besimit ndërmjet dy popujve tanë,” tha Kotzias.

Presidenti i vendit Ilir Meta në prag të Krishtlindjeve i bëri “dhuratë” shtetësinë shqiptare Kryepeshkopit të Kishës Ortodokse Autoqefale të Shqipërisë, Anastas Janullatos.

Presidenti i Republikës, Ilir Meta pak orë më parë ka vendosur t’i japë shtetësinë shqiptare Kryepeshkopit Janullatos, i cili është në krye të Kishës Ortodokse të Shqipërisë prej 25 vitesh. Burimet bëjnë me dije se Presidenti Meta e ka firmosur tashmë dekretin.

“Te dashur miq,
Në vigjilje të Krishtlindjeve, kam kënaqësinë të bëj publik vendimin tim për t’i dhënë shtetësinë shqiptare Kryepeshkopit të Tiranës, Durrësit dhe gjithë Shqipërisë, Fortlumturisë së Tij, Anastas Jannullatos,” shkruajti Meta në Facebook.(M.Q/Faxweb)