Me të njëjtën foto familjare si të bashkëshortes së tij, Presidenti Meta ka zgjedhur që të urojë të gjithë shqiptarët për ditën e Krishtlindjeve. Meta thotë se në këtë ditë duhet të përpiqemi që të mos harrojmë të vetmuarit njerëzit në nevojë dhe të sëmurët për t’u dhënë shpresë dhe besim.
“Të dashur miq, Në këtë Ditë të Bekuar, unë dhe familja ime duam t’ju shprehim urimet më të mira e të përzemërta, të gjithë besimtarëve të krishterë shqiptarë: Gëzuar Krishtlindjen!
Kjo festë e bukur e Krishtërimit, që mishëron vlera hyjnore dhe njerëzore, uroj të sjellë më shumë shpresë, lumturi e qetësi, dashuri e besim, harmoni e mirëkuptim dhe të forcojë më tej paqen në familje e në shoqëri, mes njerëzve e mes popujve, të sjellë begati sociale dhe përparim të njerëzimit.
Të përpiqemi në këtë ditë të shenjtë të mos harrojmë të vetmuarit, njerëzit në nevojë dhe të sëmurët për t’u dhënë shpresë dhe besim. Gëzuar nga mot Krishtlindjen!”, shkruan Presidenti Meta në urimin e tij.
(E.K/FAXWEB)
Discussion about this post