Prej disa vitesh tashmë, Europa dhe jo vetëm në çdo prag festash është e rrethuar edhe nga një frikë e përgjithshme në lidhje me sulme terroriste.
Për këtë qeveria e Francës ka aktivizuar afro 100 mijë policë dhe ushtarë për festat e fundvitit. Siguria shtesë do të fokusohet në tregjet e Krishtlindjeve, qendrat tregtare, ndërtesatqë kanë lidhje me besimin, transportin publik dhe vendet turistike, raporton agjencia AP nga Parisi.
Duke e cituar “kontekstin ende të ngritur të kërcënimit terrorist”, Ministria e brendshme e Francës në një deklaratë për mediat tha se 97 mijë pjesëtarë të forcave të sigurisë janë mobilizuar për mbrojtje për sot dhe nesër.
Për sigurinë për festën e Krishtlindjeve dhe dittë pasuese, ministria tha se forca policore të reja ishin urdhëruar që të veprojnë afër vendeve fetare gjatë festës Hanukkah, dhe po ashtu për Krishtlindjet Oretodokse, në muajin janar të vitit të ardhshëm, për “të lejuar shënimin e këtyre festave në kushte të “mira”.
Një legjislacion i ri antiterrorist, i zbatuar nga qeveria e presidentit të Francës, Emmanuel Macron, parasheh autoritet të shtuar policor, për shkak të sulmeve të shumëfishta të ekstremistëve islamikë, nga të cilat janë vrarë më tepër se 200 vetë, në periudhën 2015 – 2016.
(E.K/FAXWEB)
Discussion about this post