Kapen 281 kilogramë drogë në Gjirokastër, arrestohet 60-vjeçari

Një 60-vjeçar është arrestuar nmë Gjirokastër, pasi iu gjetën kg lëndë e dyshuar narkotike Cannabis Sattiva dhe një armë zjarri.

Finalizohet me sukses operacioni i koduar “PESJAKU”. Sekuestrohen 281 kg lëndë e dyshuar narkotike Cannabis Sattiva dhe një armë zjarri. Arrestohet në flagrancë një shtetas.

Në vijim të punës për kontrollin e territorit për parandalimin, evidentimin dhe goditjen e veprimtarisë kriminale në fushën e narkotikëve dhe armëmbajtjes pa leje, Specialistët e Seksionit për Hetimin e Narkotikëve në D.V.P.Gjirokastër, në bashkëpunim me forcat “SHQIPONJA” dhe shërbimet e Komisariatit Gjirokastër kanë zhvilluar operacionin e koduar “PESJAKU”.

Mbi bazën e informacioneve të mara në rrugë policore se në vendin e quajtur “Kunupicë – Pesjakë”, Gjirokastër, në stanin e shtetasit Hysen Brahimi kishte lëndë narkotike, shërbimet e policisë kanë ushtruar kontroll të imtësishëm në këtë ambjent.

Si rezultat i kontrollit shërbimet e Policisë kanë gjetur të fshehura në stanë 28 thasë plastikë me ngjyrë të zezë brenda të cilëve kishte lëndë të dyshuar narkotike Cannabis Sattiva, një armë zjarri model 56, si dhe një krehër me 25 fishekë. Pesha totale e lëndës ishte 281 kg, e cila u sekuestrua në cilësinë e provës materiale. Nga specialistët e seksionit të Hetimit të Narkotikëve u arrestua në flagrancë shtetasi :

Hysen Brahimi, 60 vjeç, banues në fshatin Lazarat, Gjirokastër. Materialet i kaluan Prokurorisë Pranë Gjykatës së Shkallës së Parë Gjirokastër për hetime të mëtejshme për veprat penale “Prodhimi dhe shitja e lëndëve narkotike” dhe “Mbajtja pa leje e armëve luftarake dhe municionit”, parashikuar nga nenet 283/1 dhe 278 të Kodit Penal.

(E.K/FAXWEB)