Vetëm një ditë më parë Prokuroria e Përgjithshme ka kërkuar heqjen e mandateve për dy deputetë të parlamentit.
Aqif Rakipi i PDIU-së dhe Gledoin Rehovica i LSI rrezikojnë mandatin pas një kërkese nga Prokuroria e Përgjithshme drejtuar KQZ-së. Informacione të mbërritura nga Italia në Prokurori theksojnë se dy deputetët kanë pasur probleme me drejtësinë dhe nuk i kanë deklaruar në formularin e dekriminalizimit.
Sipas “Report Tv” KQZ po zhvillon një mbledhje konsulente lidhur me këtë çështje. Burime pranë KQZ bënë të ditur se nuk ka ende një datë zyrtare për mbledhjen, por do të shqyrtohet çështja e 5 rasteve, deputetët Aqif Rakipi dhe Gledion Rehovica, bashkë me rastet e Mamos, Fufit dhe Kaprit. Pra, KQZ do të shqyrtojë 5 dosjet, si dhe u jep kohë deputetëve.
Nëse Komisioni Qëndror i Zgjedhjeve vendos t’u heqë mandatin dy deputetëve ata do të zëvendësohen nga të dytët në listën për kandidatë në Elbasan dhe Berat.
Nëse KQZ-ja merr vendimin për heqjen e mandatit të Aqif Rakipit ai do të zëvëndësohet nga Florenca Halili, dhe ko kandidatët e tjetrë meshkuj të PDIU-së në Elbasan. Ndërsa deputeti i LSI-së në Berat, Gledion Rehovica zëvendësohet nga Silva Caka. (J.V/Faxweb)
